ఇంకోసారి అమ్మ చేతి గోరుముద్దల రుచి చూడాలి
ఇంకోసారి జ్వరంగా ఉంది అని అమ్మ వడిలో పడుకోవాలి
ఇంకోసారి అన్నయ్య మీద అమ్మకి చాడీలు చెప్పాలి
ఇంకోసారి అమ్మ చేతి చెంపదెబ్బ తినాలి
ఇంకోసారి నాన్న భుజాలు ఎక్కి గుడి గంటలు కొట్టాలి
ఇంకోసారి నాన్న ఉద్యోగానికి వెళ్లాడు అని గంతులు వెయ్యాలి
ఇంకోసారి నాన్న అడుగుల చప్పుడుతో నిద్రలేవాలి
ఇంకోసారి నా విజయంలో నాన్న గర్వం చూడాలి
ఇంకోసారి నా మొదటి ఏడుపు తో సంతోషాన్ని పంచాలి
ఇంకోసారి ఇదే అన్నయ్యకి తమ్ముడిని కావాలి
ఇంకోసారి తొలి ప్రేమలోని తియ్యదనం ఆస్వాదించాలి
ఇంకోసారి నేను నా బాల్యం జీవించాలి
ఇంకోసారి ఇంకోసారి అనే వరం పొందాలి
Sunday, May 01, 2011
Subscribe to:
Posts (Atom)